متابعة / هند البحيرى
ريح نفسك؛ الإنسان “الغِلاوي” مالوش علاج، اجتنابه أفضل حل.
النوم بمزاج سيء بيزود تجاعيد الوش، و بيخلي لونه أسود، و بيبهت بهجته.
كتره النوم بتجيب الفقر، بتهد الجسم، وبتتعب النفسية.
ريح نفسك.. السيكوباتي غذاءه الوحيد والهوا اللي بيتنفسه مرتبط بتعذيب الآخرين (نفسيًا وجسديًا) وبشكل أبشع مما تتخيل.
من فترة طويلة وأنا ملاحظ إن كتير من الأطفال مشتتين وذاكرتهم ضعيفة ومستواهم الدراسي متدهور.. فتشوا عن التليفون غالبًا هو السبب.
الزوج الناقص، هو اللي يستقوى على زوجته بالضرب والشتايم والإهانة، اسمحلي أقولك انت مش راجل يا جميل.. مش عيب عليك؟
سلوك عيالك جزء من تعديله هو انك تشبع رغبتهم ف شيء غير مضر، يعني عيل عمال يستفزك عشان يشوفك بتعمل ايه، خليه يشوف وهو هايزهق وهايبطل كل حاجة، تدري ليش؟ لإن الممنوع عنه.. مرغوب.
بنتك وصلت ل12 سنة، صاحبيها يا أمي، صاحبها يا أبويا، صاحبيها، صاحبها.. صاحبوا ولادكم وبناتكم إلهي تنستروا، عشان ماتلاقوش اللي يوفرلهم ده بره.
هو انت مكتئب ليه؟ عشان حضرتك شايف انك ف جنة، وان اللي حواليك ملايكة متوقع منهم أفعال ملايكة.. ياعم اهدى شوية كده.. دي دنيا، واللي حواليك صفاتهم بشرية بحتة.
يعني تخرج من عند أحمد وتدخل عند الحاج أحمد ومتوقع نفس النتيجة؟ طب إزاي، ابتر لو الأمر محتاج البتر ولا تتأخر.
مشي نص ساعة يوميا، مع نوم بسلامة صدر، كفيل انك تكون سعيد..
أخيرا نسيت اقولك بقى: بإذن الله في يوم من الأيام الرياح هاتيجي بما تشتهي السفن.. تفاءل بكرم الله.
#د_مصطفى_الديب
#هند_البحيرى
