فطائر فرع الشجر
مقدمة من الشيف / مروج وائل
المقادير
3 كوب ونص دقيق
كوب ماء دافى
معلقة كبيرة سكر.
معلقة كبيرة خميرة
رشة ملح
2 معلقة لبن بودر
للحشو
جبنة اى نوع تحبيه
الطريقة
فى بولة هننزل بكوب الماء والخميرة والسكر وكوب دقيق
ونقلب كويس ونغطيها ونسيبها لغايه ما تخمر ويتضاعف حجمها
نضيف باقى الدقيق بالتدريج ورشة الملح واللب البودر ونعجن العجينة كويس وندهنا زيت ونسيبها ترتاح ربع ساعه نقسمها كور ونغطيه ونسيبها ترتاح لمدة عشر دقايق نفرد الكورة على شكل بيضاوى ونحشيها جبنه ونقفلها
ترص بصنيه ونغطيها حتى يتضاعف حجمها ندهن الوجه بخليط التغطية
نص كوب حليب مذاب به معلقة سكر وندهن به الوجه ويزين بسمسم او حية البركة
يدخل فرن سخن مسبقا على درجة حرارة 200 الرف الاوسط لمدة 20 دقيقة
تاخد لون من تحت ونشغل الشوايه تاخد لون من الوجه نخرج الصنيه من الفرن وندهنها بالزبدة
