
سيدات مبدعات
رانيا عوف
مصممة حُلي واكسسوارات تراثية هاند ميد
رانيا عوف لجريدة ستات شاطرة عن نفسها تحكى عن موهبتها ومشروعها فى الهاند ميد
بعشق تراب بلدى ولذلك حبيت أظهر ده أكتر في شغلي وطريقة لبسي خاصة في مناسبات معينة ومعارضي عشان أحبب الجيل الجديد في انه هو كمان يقدر يلبس الشغل ده ومن خلالهم نقدر نحيي التراث من تاني
بستخدم خامات كتير في شغلي لاني من محبي التطوير جدا والحمد لله ربنا موفقني في الخطوة دى
كوني المصممة الوحيدة ع مستوي الشرق الاوسط اللي قدرت تطوع خام نبات البامبو في الحُلي ودى الميزة اللي بيها قدرت اميز شغلي عن باقي أقراني وطبعا مش هنسي الفضل في تشجيعي ع ده وهو زميلي الاستاذ هيثم صلاح ملك البامبو
بدأت شغلي من ٢٠١١ تحديدا وفي البامبو من ٢٠١٩
بحاول اعرض شغلي في اكتر معارض الدولة انتشارا ذى ديارنا التابع لوزارة التضامن الاجتماعي
وتراثنا وهو الاكبر والاوسع انتشارا محليا ودوليا كونه تحت اشراف سيادة الرئيس
والحمد لله بثبت من خلاله قد ايه الناس بجميع فئاتهم العمرية بيحبوا تراثنا الجميل بس المهم يتقدم بطريقة ذات لمسة عصرية مع المحافظة ع هويته التراثية
وهذة بعض القطع من البامبو محاكاة للقلادة الاصلية للملكة شجر الدر المعروضة بقاعه الحياة اليومية بمتحف الفن الاسلامي وسبق واتكرمت عنها من قبل المتحف بيوم التراث العالمي