مكرونه نجرسكو من شيف سارة البغدادي
مكونات البشاميل
4معالق دقيق
3معالق زبده
معلقه زيت
مكعبين مرقه دجاج
لتر لبن
ملح + فلفل اسود
كريمه طهي حسب الرغبه
جبنه موتزريلا حسب الرغبه
👈🏻مكرونه اقلام مسلوقه
مكونات حشو النجرسكو
نص كيلو صدور فراخ متقطعه مكعبات
بصله مفرومه
فلفل الوان حبه متقطعه مكعبات
معلقه كركم
نص معلقه كاري
معلقه بهارت فراخ
ملح +فلفل اسود
الطريقه
اول حاجه هحضر حشو النجرسكو طاسه علي النار هحط معلقه زبده معاها معلقه زيت او متسخن هحط البصله تتشحو واول متتدبل هنزل عليها بالفراخ القطع وتقلب لحد مستوي وهحط التوابل والبهارات وهتركها علي جنب
هكون سلقه المكرونه ومصفيها كويس
هجيب حله علي النار علشان اعمل البشاميل هحط الزبده والزيت وانزل عليه بالدقيق والقلب بمضرب يدوي علشان يكون سهل عليا الخلط وميتكتلش
هنزل بمكعبات مرقه الدجاج وابدأ انزل باللبن شويه شويه مع التقليب المستمر واول ميغلي واحس أنه سميك هزود شويه مياه علشان يبدأ سمكه يخف شويه عاوزه قوامه كويس مش سميك اوي ولا خفيف اوي
ممكن في الخطوه ديه تزود شويه كريمه طهي أو كريمه لباني حسب الرغبه ديه اختياري بس هي بتعلي التيست كويس جدا
وبدأ اظبط الملح والفلفل الأسود حسب الرغبه
هجيب صنيه وانزل في حله البشاميل والمكرونه كلها واقلب كويس وأحط نص الكميه من المكرونه مع البشاميل وأحط حشوه الفراخ و شويه جبنه موتزريلا اختياري
وأحط باقي كميه المكرونه بالبشاميل واحط علي الوش جبنه موتزريلا وادخلها الفرن
طب انا معنديش جبنه موتزريلا يبقي هشيل شويه بشاميل علي جنب وااضرب بيضه عليها واحطهم علي الوش علشان يدوني لون حلو ده لو مش عاوزه موتزريلا برحتك اللي تحبيه
واول وشها يتحمر هنا اقدر اقولك بالف هنا علي قلب
وصفه مقدمه من شيف سارة البغدادي

زر الذهاب إلى الأعلى