كساديا باللحم ولا أروع مع شاف عمر
.
.
المقادير:
500غ لحم
بصلة كبيرة.
1 فلفل أخضر
قطع طماطم
أجبان:شيدرفروميرو موزاريلا حليب فروميرو300غ
مايونيز فروميرو
بهارات فلفل اسود كركم قرفة
2 ملاعق كبيرة زيت.
خردل(موطارد)
العجينة السحرية:(الكيل بالفنجان).
2 كيلات ماء دافيء مع 2 كيلات فرينة،مغرف كبيرة سكر،ومغرف كبيرة خميرة الخبز،نمزج المكونات جيدا،نغطيو عليهم ونخليوهم يخمرو،كي نشوفو الخليط تضاعف حجم، نزيدولو نصف كيلة زيت،والملح،و ثلاث كيلات فرينة،ونلمو العجين يكون طري،نرشو بالفرينة ونشكلو قرصات كيما الملاوي ،والحجم يكون حسب الرغبة،نفتحو القرصة على سمك رقيق جدا،وكل وحدة نفتحوها نطيبوها،لازم تقلبو الخبز عدة مرات وماتخليوهش يطيب برشة ،لانو مازال باش نطيبوه.(ملاحظة:كي يطيب الخبز حطوه في بلاستيك غذائي باش ما ينشفش).
الحشو:
في مقلاة نحطو البصل والفلفل مقطعين ونقليوهم مع 2 مغارف زيت على نار متوسطة،نزيدو عليهم اللحم المتبل بالبهارات و الخردل و الفلفل الاسود ونقلبو حتى يطيب،ونزيدو الملح،ونقلبو حتى تمتزج كل المكونات،ونطفيو عليه.
نجيبو الخبز لي حضرناه،ندهنوه بالميوناز،نحطو فوقو الحشو والجبن (شيدر،موزاريلا)ونقلبو جهة واحدة،ونحطوها برفق في مقلاة خاصة على نار متوسطة ونبداو نحمرو فيه،نزيدو نقلبوه للجهة الثانية،ويكون جاهز للتقديم
ان كنت من عشاق المذاق الحار تقدر تضيف للحم بعض الهريسة العربي عند تجهيزه
صحة و بالشفاء
شاف عمر
زر الذهاب إلى الأعلى