عصيدة الفسدق مع شاف عمر
المكونات
رطل فزدق
750مل حليب
100غ فرينة
100غسكر
بعد ما تحمر الفزدق و تحاول تنحيلوا قشرته أكثر ما يمكن ترحيه وهو سخون لين يقر زيته بعد تحله بالكدا في 750 مل حليب تخليه يتحل اقل حاجة نصف ساعة كان تنجم تخليه حتى أكثر بعد تاخذ 100 فرينة تكون مغربله و تحطها تدريجيا معاهم تحلها بالڨدا تحط تعصدها بمغرفة لوح كيف تشوفها بدات تعقاد وبدأت تبقبق وطي عليها النار و خليها تبقبق على راحتها و ابقى عصد ما اقلش من نصف ساعة باش ما تبقاش الفرينة نيه بعد حط 100 غ سكر و كمل عصد و قد ما تعصدها قد ما تتجنب انها تقلق المعده تحط في كيسانك خليها تبرد و حضر كريمتك العربي و صحة و فرحة
كريمة عربي
500 مل حليب نصف تحطه عالنار و النصف الثاني تحل فيه 2 مغارف كبيرة نشا و 2 اصفر عضمتين و تركض و بعد كيف تشوف الحليب بدأ يسخن تصب عليه النصف الثاني و حرك من غير ما تقص كيف تشوفها عقادت تحط 3 مغارف كبار سكر تخلط بالڨدا في الاخر تحط قطرة زهر والا عطرشية
و صحة و بالشفاء
شاف عمر
