مقدمه من شيف عمر
مكونات الكراب (كمية ل 10 ورقات):
2 كيسان فرينة
3بيض
ملح
3 كيسان حليب
نخلطهم مليح بالفوي او البرا نخليهم يرتاحو ربع ساعة ثم نسخن مقلة ما تلصقش و نفرغ كمية من الخليط و نمشيه بسرعة بتحريك المقلة كي يطيب من التحت نقلبها على نار متوسطة كي يطيب نحيهم نحطهم فوق بعض.
الحشو
نقلي بصلة مقصوصة ناعمة في شوية زيت
ملح فلفل اكحل
مع فلفل مقطع رقيق أخضر أحمر أصفر
لحم مفروم او جمبون
كرام فراش
جبن مرحي
البيشامال: نحط فوق النار
60 جرام زبدة
60 جرام فرينة
ملح فلفل اكحل
نصف لتر حليب
جبن قطع جبن مبشور قريار و مدزريلا
نحط الحشو في الكراب و نطويهم كيما الشوارما نحطهم في مول و نزيدلهم بيشامال ثم جبن مبشور و نحطهم في الفرن يطيبو
و صحة و بالشفاء
رئيس قسم المطبخ ا سامية سعد
