بعض القواعد للعمل مع كادر مبدع
بقلم د. شيماء عراقى
عاوز تشغل كادر عنده أفكار وجهد واخلاص وبيحقق إنجازات للمكان معاك
يبقى لازم توفر له الأتى
_ الحماية الكافية والمساحة الكافية …
الحماية من كيد الستات وغيرتهم ودا مهم جدا وتحجم دور رئيسه فى العمل وتغل ايديه لانه هيسعى بكل جهده لتدميره
– عصافير الشغل إياك تصدقهم لأنهم بيحطوا التاتش بتاعهم وهيقرفوه فى عيشته ومش هيعرف يخطى خطوة الا بتكسير عظامه مع كل شغله
– وفر له أدوات وإمكانيات تقدر تساعده على قدر المستطاع سواء مادية أو لوجستية
– التقدير مهم جدا لأى نجاح بيحققه وخاصة لما ينقل شغلك لمستوى عالى ويحقق لك اللى التيم اللى معاك مقدرش يحققه لسنوات
– لما اسمه يلمع ويتعرف جدا دا فى حد ذاته نجاح لمنظومة العمل لان باختصار مفيش اسم بيعلم فى مكان الا ولو حقق طفرة فى مكانه فدا فى حد ذاته دعاية كبيرة للشغل والذكى بس هو اللى هيفهم وهيحب يشغل أسماء بارزة معاه
– الحوافز والمكافآت المادية والمعنوية فى حال وفره فى الجانب المادى مهم للكادر جدا ويتميز فى وسط زملائه لمجهوده
_ التواصل الاجتماعي مع الكادر مهم جدا تعرف ظروفه الشخصية وايه المعوقات التى تمنعه عن الابداع وتأخير تقدمه دا مهم جدا ولازم تكون مقدر ظروف حياتيه لانه مش آله ومش شغال فى طاحونة معاك
– تقدر تأخد منه أفضل شغل وافكار وهو فى عز تعبه وفى أسوء ظروفه لما تحسسه ان دا مكانه وانه مش شغال عندك وتطلق له الحرية والثقة فى إدارة المكان فى غيابك
– الصراحة وعدم إخفاء معلومات عن إدراة العمل هتخليه متخبط مش عارف ايه قواعد العمل من المهم تعرفه جدا كل تفاصيل العمل
– أياك تنسب جهده وفكره لزملائه بحجة انهم تيم واحد كل فرد ياخد حقه فى وضع أفكاره ويكافئ عليها ومن ثم الكل يشتغل بروح واحده لكن تكون مقدر بصمته وانفرداه بفكره أو جهد .
