كسكسي بالحوت طريقه التونسيه
مقدمه من / شاف عمر
المكونات
كغ كسكسي
زيت
طماطم معجونة 🥫
فلفل احمر
فلفل اكحل
كمون
ثوم
ملح
قرع
بطاطا
بصل
سمك حسب الرغبة
فلفل أخضر
الطريقه:
نقشرو الحوت 🐟🐟مثلا قاروس وراطة لمبوكة مرجان و نقسموه اثنين رأس و ذيل و نفوحوه ثوم و كمون و ملح و فلفل و نخليه على جنب
نشق الفلفل في نص و نحط ملح و نقليه في زيت زيتون في المقفول و نخرجوه على جنب
نحط معجون طماطم و ملح و فلفل اكحل و فلفل أحمر حار و ثوم و كمون و نخليهم يتقلاو شويه
نفرك الكسكسي بشويه زيت و ماء و نخليه على جنب
نصب ماء على الصوص و نحطو الكسكسي في الكسكاس و نخليهم شويه يغليو بعد ناخذ شوية مرق في طنجرة اخرى نحطو الحوت و نطيبوه فيه باش الشوك ما يجيش فالمرق و بعد نصب لمرق متاع الحوت في المقفول الأصلي بصفاية و الا مغرفة شباك و نخلي السمك على جنب
نزيد شوي ماء و نحط البطاطا القرع الاحمر بعد ما قصيناهم مربعات و ممكن بصل كامل حسب الرغبه
كي يطيب كل شي نخلط الكسكسي بالصوص و نزينوه بالحوت و القرع و الفلفل
نصيحة الشاف 👨🍳🇹🇳✌الحوت مافيهوش روح ما تخليوهش يطيب برشا و لا يذوب و يولي فتفات
بالنسبة لحطان الحوت في طنجرة أخرى للمبتدءات احسن حل
تنظيف السمك جيدا حتى لا يطفو القشر
صحة و بالشفاء
شاف عمر 🇹🇳🇹🇳🇹🇳🇹🇳👨🍳
